Matar Paneer Masala in 10 minutes|मटार पनीर मसाला 

Matar Paneer Masalaआज आपण मस्त चमचमीत, क्रीमी आणि हॉटेलला सुद्धा मागे टाकेल असं मटार पनीर बनवणार आहोत. मटार पनीर आपण घरी नेहमीच करतो, पण बऱ्याच वेळा पनीर तुटणं, चिवट होणं किंवा ग्रेव्ही पाणी–मसाला वेगळी होणं अशा अडचणी येतात. या खास पद्धतीत मात्र अशा सगळ्या प्रॉब्लेम्सवर सोल्युशन आहे. Matar Paneer Masalaअगदी साध्या साहित्यांतून, अचूक प्रमाणात आणि सोप्या स्टेप्समध्ये तयार होणारं हे मटार पनीर रंगाने सुंदर, चवीला परफेक्ट आणि टेक्सचरला एकदम क्रीमी होतं. घरगुती पार्टी, वाढदिवस, सण-समारंभ किंवा फूड बिझनेससाठीसुद्धा ही रेसिपी अतिशय उपयुक्त आहे.

Matar Paneer Masalaमटार पनीर मसाला ही भाजी चवीसोबतच पौष्टिकतेनेही भरलेली आहे. पनीरमध्ये भरपूर प्रथिने (Protein) आणि कॅल्शियम असते, जे हाडे मजबूत ठेवण्यास व स्नायूंच्या वाढीस मदत करते. Matar Paneer Masalaमटारमध्ये फायबर, वनस्पती प्रथिने, व्हिटॅमिन B, C आणि अँटीऑक्सिडंट्स मुबलक प्रमाणात असतात, ज्यामुळे पचन सुधारते आणि शरीराला ऊर्जा मिळते.

Matar Paneer Masalaयामध्ये वापरलेले कांदा, टोमॅटो, आलं-लसूण आणि मसाले हे इम्युनिटी वाढवण्यास, रक्ताभिसरण सुधारण्यास आणि पचनशक्ती मजबूत करण्यास उपयोगी ठरतात. योग्य प्रमाणात तेल, क्रीम वापरल्यास मटार पनीर मसाला संतुलित आहाराचा उत्तम भाग ठरतो आणि लहान मुलांपासून मोठ्यांपर्यंत सगळ्यांसाठी फायदेशीर आहे.

मटार पनीर मसाल्यासाठी लागणारे साहित्य:

1. पनीर – 250 ग्रॅम (चौकोनी तुकडे)

2. मटार – 1 कप

3. कांदे – 2 मध्यम (बारीक चिरलेले / किसलेले)

4. टोमॅटो – 3 मध्यम (पेस्ट)

5. काजू – 10 ते 12 (भिजवून पेस्ट केलेले)

6. आलं-लसूण पेस्ट – 1½ चमचा

7. हिरवी मिरची – 1 ते 2 (ऐच्छिक)

8. तेल – 2 ते 3 चमचे

9. तूप / क्रीम – 1 ते 2 चमचे

10. जिरं – ½ चमचा

11. हळद – ¼ चमचा

12. लाल तिखट – 1 चमचा (चवीनुसार)

13. धने पूड – 1½ चमचे

14. गरम मसाला – ½ ते 1 चमचा

15. सुरी मेथी – 1 चमचा

    अधिक माहितीसाठी येथे क्लिक करा  

                                                                                                                         मटार पनीर मसाला –

    कृती

     Step 1: प्राथमिक तयारीMatar Paneer Masala

    पनीर स्वच्छ धुऊन समान आकाराच्या चौकोनी तुकड्यांमध्ये कापा, त्यामुळे शिजवताना ते तुटणार नाही. मटार सोलून धुऊन ठेवा. काजू 15–20 मिनिटे कोमट पाण्यात भिजवून त्याची घट्ट, मऊ पेस्ट करून घ्या. टोमॅटो, आलं आणि हिरवी मिरची एकत्र करून बारीक पेस्ट तयार करा.

     Step 2: पनीर तळणे 

    कढईत थोडं तेल गरम करून पनीरचे तुकडे मध्यम आचेवर हलक्या सोनेरी रंगावर तळून घ्या. जास्त तळू नका, नाहीतर पनीर चिवट होतं.तळलेले पनीर एका बाऊलमध्ये कोमट पाणी घेऊन त्यामध्ये टाकायचे,म्हणजे पनीरचे तुकडे होत नाहीत.

    Step 3: फोडणी तयार करणे

    त्याच कढईत मध्यम आचेवर तेल गरम करून जिरं घाला. जिरं फुलल्यावर बारीक चिरलेला किंवा किसलेला कांदा घालून गुलाबी ते हलका तांबूस रंग येईपर्यंत परतून घ्या.

    Step 4: आलं-लसूण व टोमॅटो शिजवणे

    कांदा परतला की आलं-लसूण पेस्ट घालून 1–2 मिनिटे परता. त्यानंतर टोमॅटो पेस्ट व थोडंसं मीठ घालून झाकण ठेवून मध्यम आचेवर शिजवा, जोपर्यंत तेल सुटत नाही.

    Step 5: मसाले घालणे

    आता हळद, लाल तिखट, धने पूड आणि कसुरी मेथी हाताने चुरडून घाला. मसाले जळू नयेत म्हणून थोडंसं पाणी घालून 2–3 मिनिटे परता.

     Step 6: मटार शिजवणे

    मसाल्यात मटार घालून नीट मिक्स करा. झाकण ठेवून मंद आचेवर 4–5 मिनिटे मटार शिजू द्या.

     Step 7: काजू पेस्ट व ग्रेव्ही तयार करणे

    आता काजूची पेस्ट घालून 1–2 मिनिटे परता. आवश्यकतेनुसार गरम पाणी घालून ग्रेव्ही तयार करा व उकळी आणा.

     Step 8: पनीर व क्रीम घालणे

    उकळी आल्यावर तळलेले पनीर आणि फ्रेश क्रीम/तूप घालून हलक्या हाताने मिक्स करा. गॅस मंद करून 5–6 मिनिटे शिजू द्या.गॅस बंद करून गरम मसाला व बारीक चिरलेली कोथिंबीर घाला. हलक्या हाताने मिक्स करा.

     अधिकृत माहितीसाठी येथे क्लिक करा  

    मटार पनीर मसाल्यासाठी खास टिप्स:Matar Paneer Masala

    1. पनीर तुटू नये म्हणून पनीर नेहमी चौकोनी (क्यूब्स) आकारात कापा. लांब किंवा पातळ तुकडे केल्यास शिजवताना ते तुटतात.

    2. पनीर मऊ ठेवण्यासाठी तळल्यानंतर पनीर 5–10 मिनिटे कोमट पाण्यात टाकून ठेवल्यास ते मऊ आणि रसाळ राहते.

    3. टोमॅटो योग्य निवडा चांगले पिकलेले, गोडसर टोमॅटो वापरा. कच्चे टोमॅटो वापरल्यास ग्रेव्ही आंबट होते.

    4. काजू पेस्ट वेळीच घाला काजूची पेस्ट थेट सुरुवातीला घातल्यास ती तळाला चिकटून करपते. मटार शिजल्यानंतरच घालणे योग्य ठरते.

    5. गरम पाणीच वापरा ग्रेव्हीत नेहमी गरम पाणीच घाला. गार पाणी घातल्यास चव व टेक्सचर बिघडते.

    6. क्रीम शेवटी घाला फ्रेश क्रीम किंवा तूप शेवटी घातल्याने भाजीला सुंदर रंग आणि क्रीमी चव मिळते.

    7. कसुरी मेथी हाताने चुरडा कसुरी मेथी थेट न घालता हाताने थोडीशी चुरडून घातल्यास तिचा सुगंध जास्त खुलतो.

    8. ग्रेव्ही परफेक्ट ठेवण्यासाठी भाजी जास्त पातळ किंवा फार घट्ट करू नका. उकळल्यानंतर ती आपोआप थोडी दाट होते.

    9. हॉटेल-स्टाइल चव हवी असल्यास शेवटी थोडंसं साजूक तूप घाला, चव नक्कीच वाढते.

    10. जास्त वेळ उकळू नका पनीर घातल्यानंतर भाजी फार वेळ शिजवू नका, नाहीतर पनीर चिवट होते.