Healthy Kacchi Dabeli in 10 Minutes|कच्ची दाबेली रेसिपी

Healthy Kacchi Dabeli कच्ची दाबेली म्हणजेच स्ट्रीट फूड प्रेमींची खास आवड! बाहेर थैल्यावर मिळते तशीच मस्त चटपटीत, खमंग आणि रंगीबेरंगी कच्ची दाबेली आता घरीच अगदी सोप्या पद्धतीने बनवता येते. या रेसिपीची खासियत म्हणजे घरचा ताजा दाबेली मसाला, जो एकदाच बनवून हवाबंद डब्यात ठेवला तर तब्बल सहा महिने वापरता येतो. मऊसूत बटाट्याचं सारण, आंबट-गोड चिंचगुळाची चटणी, झणझणीत हिरवी चटणी, खमंग शेंगदाणे आणि भरपूर शेव यांचा परफेक्ट मेळ म्हणजे ही स्ट्रीट स्टाईल कच्ची दाबेली. चवीला अगदी बाहेरसारखी पण स्वच्छ, ताजी आणि घरगुती. Healthy Kacchi Dabeli कच्ची दाबेली म्हणजे चव आणि आरोग्य यांचा सुंदर मेळ. पारंपरिक दाबेलीपेक्षा ही दाबेली कमी तेलात, कमी मसाल्यात आणि पौष्टिक घटक वापरून तयार केली जाते. मैद्याच्या पावाऐवजी मल्टीग्रेन किंवा ब्राउन पाव वापरल्यामुळे फायबर वाढते आणि पचनास मदत होते. बटाट्यांबरोबर गाजर, वाटाणे, बीट यांसारख्या भाज्या घातल्याने जीवनसत्त्वे आणि खनिजे मिळतात. घरचा मसाला, कमी मीठ व कमी साखर असलेल्या चटण्या आणि भाजलेले शेंगदाणे वापरल्यामुळे दाबेली हलकी पण तितकीच चविष्ट लागते.

साहित्य (Ingredients)

बटाट्याच्या सारणासाठी:Healthy Kacchi Dabeli 

1. बटाटे – 5 (उकडून, सोलून किसलेले)

2. तेल – 2 टेबलस्पून

3. घरचा दाबेली मसाला – 2 ते 3 टेबलस्पून

4. मीठ – चवीनुसार

5. पाणी – गरजेपुरते

6. कोथिंबीर – बारीक चिरलेली

घरचा दाबेली मसाला:Healthy Kacchi Dabeli 

1. अख्खे धने – 1 लहान वाटी

2. बडीशेप – 1 टीस्पून

3. जिरे – 1 टीस्पून

4. दालचिनी – 1 छोटा तुकडा

5. लवंग – 5

6. काळी मिरी – 5

7. लाल तिखट – 1 टेबलस्पून

8. चाट मसाला – 1 टीस्पून

9. काळं मीठ – 1 टीस्पून

चिंच-गुळ चटणी

1. चिंच – 100 ग्रॅम

2. गूळ – 100 ग्रॅम

3. ओला खजूर – 50 ग्रॅम

4. लाल तिखट – 1 टेबलस्पून

5. जिरे पूड – 1 टीस्पून

6. चाट मसाला – ½ टीस्पून

7. मीठ – चवीनुसार

हिरवी चटणी

1. डाळव – 3 टेबलस्पून

2. हिरव्या मिरच्या – 2

3. लसूण – 1 पाकळी

4. कोथिंबीर – भरपूर

5. मीठ – चवीनुसार

इतर साहित्य:Healthy Kacchi Dabeli 

1. भाजलेले शेंगदाणे – ½ कप
2. लाल तिखट व मीठ – शेंगदाण्यांसाठी
3. डाळिंब दाणे
4. शेव
5. खोबरे (ऐच्छिक)
6. दाबेली पाव / लादी पाव
7. बटर – भाजण्यासाठी

 कृती :Healthy Kacchi Dabeli 

Step 1: बटाटे उकडणे

बटाटे स्वच्छ धुऊन मधोमध फोडी करा. कुकरमध्ये थोडं पाणी घालून 3 शिट्ट्या काढा. थंड झाल्यावर साल काढून किसून ठेवा.

Step 2: दाबेली मसाला तयार करणे

धने हलके भाजा. त्यात बडीशेप, जिरे, दालचिनी, लवंग आणि काळी मिरी घालून भाजा. थंड झाल्यावर बारीक पूड करा. त्यात लाल तिखट, चाट मसाला आणि काळं मीठ मिसळा.

Step 3: चिंच-गुळ चटणी

चिंच, गूळ आणि खजूर कुकरमध्ये घालून 1 शिट्टी काढा. थंड झाल्यावर मिक्सरमध्ये वाटा. कढईत काढून मसाले घालून 7–8 मिनिटे दाटसर शिजवा.

Step 4: हिरवी चटणी

डाळव, मिरची व लसूण कोरडे वाटा. नंतर कोथिंबीर, मीठ व थोडं पाणी घालून स्मूथ चटणी बनवा.

Step 5: शेंगदाणे

तेलात भाजलेले शेंगदाणे हलके परतून घ्या. त्यात लाल तिखट व मीठ घालून मिक्स करा.

Step 6: बटाट्याचं सारण

त्याच तव्यात तेल घालून दाबेली मसाला परता. थोडं पाणी घालून उकळी आणा. किसलेले बटाटे घालून 3–4 मिनिटे परता. कोथिंबीर घालून गॅस बंद करा.

Step 7: दाबेली तयार करणे

पावाला मधोमध स्लिट द्या. एका बाजूला गोड चटणी आणि दुसऱ्या बाजूला हिरवी चटणी लावा. बटाट्याचं सारण भरून प्रेस करा.

Step 8: भाजणे

दाबेलीला दोन्ही बाजूंनी बटर लावून तव्यावर खरपूस भाजा. नंतर शेंगदाणे व शेवमध्ये घोळवा.

अधिक माहितीसाठी येथे क्लिक करा

कच्ची दाबेली परफेक्ट होण्यासाठी खास टिप्स :Healthy Kacchi Dabeli

1. बटाटे उकडताना – जास्त शिजवू नका. थोडे घट्ट राहिले तर दाबेली चविष्ट लागते.
2. दाबेली मसाला – घरचा ताजा मसाला वापरा. मसाला थोडासा भाजून घेतला तर सुगंध छान येतो.
3. चिंच-गूळ चटणी – जास्त गोड किंवा जास्त आंबट नको; समतोल चव ठेवा.
4. बटाटा भाजी परतताना – कमी तेलात, मध्यम आचेवर परता. मसाला नीट मुरतो.
5. पाव – थोडासा आतून कोरडा (हलका टोस्ट केलेला) असला तर दाबेली सोगट होत नाही.
6. लोणचं – लसूण-मिरची लोणचं थोडं वापरा, जास्त झालं तर चव बिघडते.
7. डाळिंब दाणे – अगदी शेवटी घाला, ताजेपणा टिकतो.
8. शेंगदाणे – खरपूस भाजलेले आणि जाडसर कुटलेले वापरा.
9. बटर – खूप नको; थोडंसं बटर पावावर लावलं की चव खुलते.                                                                        
10. पावचा पर्याय – मैद्याऐवजी ब्राउन ब्रेड / मल्टीग्रेन पाव वापरा. फायबर जास्त मिळते.
11. तेल कमी ठेवा – भाजी परतताना १–२ टीस्पून तेल पुरेसं आहे.
12. बटर टाळा – बटरऐवजी अगदी हलकं ऑलिव्ह ऑईल किंवा अजिबात नको.
13. बटाटे संतुलित – बटाट्याबरोबर उकडलेली गाजर, वाटाणे, बीट मिसळा. पौष्टिकता वाढते.
14. घरचा मसाला – रेडीमेड मसाल्याऐवजी कमी मीठ व कमी तिखट असलेला घरचा दाबेली मसाला वापरा.
15. चटण्या हेल्दी ठेवा – साखर कमी घालून चिंच-खजूर चटणी करा; हिरवी चटणी कोथिंबीर-पुदिन्याची.
16. शेंगदाणे भाजलेले – तेलात तळलेले नको; ड्राय रोस्ट केलेले वापरा.                                                                                  अधिकृत माहितीसाठी येथे क्लिक करा 
17. डाळिंब + कांदा – भरपूर घाला, अँटिऑक्सिडंट्स आणि फायबर मिळतात.
18. मीठ नियंत्रण – काळं मीठ किंवा सेंद्रीय मीठ थोड्या प्रमाणात वापरा.